Join us!

This page is being translated. If you wish to take part and support us financially or if you are seeking more information, please contact us at einararon@einararon.is.

Það er nauðsynlegt að geta boðið krökkum upp á sunnudagaskóla á netinu. Stöndum saman og bjóðum börnunum upp á gott, fræðandi og skemmtilegt efni. 

Að framleiða vandað efni kostar bæði mikla vinnu og peninga. Þó svo að mest sé unnið af sjálfboðaliðum þarf suma þjónustu að kaupa af verktökum. Einnig þarf að greiða fyrir leyfi fyrir notkun á tónlist í myndböndin, rekstur vefsíðunnar og annað sem fellur til. Það er okkur mikilvægt að vera góðir ráðsmenn og fara allir peningar sem safnast beint í vinnslu meira efnis fyrir vefsíðuna. Enginn hefur þegið laun vegna verkefnisins hér á landi.

Taktu þátt í að byggja upp sunnudagaskólann með fjárhagslegum stuðningi. Það getur verið ein gjöf einu sinni eða einu sinni í mánuði. Auðvelt er að gefa út reikning sé þess óskað.

Hægt er að styðja verkefnið í gegnum PayPal með hnappnum hér að neðan.​ Einnig er hægt að leggja inn á Einstakar lausnir ehf. Ábyrgðarmaður fyrir hvoru tveggja er Einar Aron Fjalarsson.

Kt. 451114-0420

Rkn.nr. 0315-26-077700

Byggjum sunnudaga-skólann saman

Sunnudagaskólinn er hópfjármagnaður og þinn stuðningur hjálpar börnum að læra meira um Jesú.

Áætlaður kostnaður við framleiðslu myndbandanna eru 1.700.000 kr., það er hins vegar aðeins byrjunin en nú þegar eru uppi skemmtilegar hugmyndir um næstu skref. 

Árangur

122.000 kr.

Markmið

 1.700.000 kr.

118616143_10220414675254107_289527168153

Takk fyrir að sýna verkefninu áhuga! Mig langar að segja ykkur frá því hvernig sunnudagaskólinn kom til.

Einn morguninn vaknaði ég við þá bláköldu staðreynd að ekkert kristilegt barnaefni á íslensku er aðgengilegt á netinu ókeypis. Það er ótrúlegt! Ég ólst upp við það að fara í sunnudagaskóla Húsavíkurkirkju og á bara góðar minningar þaðan. Þar var alltaf gaman! Brúðuleikhús, leikrit og leikir, Tralli trúður kom stundum í heimsókn.

Sífellt færri börn sækja sunnudagaskóla og svo sjáum við hvaða afleiðingar COVID-19 hafði í för með sér. Allt í einu mátti ekki fara í kirkju. Ég sat eftir með spurningu: Hvers vegna er ekkert kristilegt barnaefni á íslensku aðgengilegt frítt á netinu? Tækifærin eru nefnilega endalaus!

 

Guð lagði mér á hjarta að hefja framleiðslu á kristilegu barnaefni með tvö markmið:

  1. Það verður skemmtilegt og/eða áhugavert.

  2. Það verður ókeypis.

​Nú þegar eru í vinnslu rúmlega 20 stuttar teiknimyndir sem segja frá þekktustu Biblíusögunum, minnisvers í emoji-formi sem krakkar geta lært utanbókar og morgunn- og kvöldbænir fyrir alla daga vikunnar. Þegar þessi atriði hafa litið dagsins ljós verða gerðir stuttir podcast þættir sem hugsaðir eru til að hlusta á á morgnanna áður en krakkarnir fara í leik- eða grunnskólann. 

-Einar Aron Fjalarsson